அதிகம் பாதித்த நாடுகளின் பட்டியல்: 42ஆவது இடத்தில் மலேசியா

புத்ராஜெயா:

உலகளவில் கொரோனா கிருமித் தொற்றால் அதிகம் பாதிக்கப்பட்டுள்ள நாடுகளின் பட்டியலில் மலேசியா 42ஆவது இடத்தில் இருப்பதாக தகவல் வெளியாகி உள்ளது. சிங்கப்பூர் 105ஆவது இடத்தில் உள்ளது.

பாதிப்புப் பட்டயலில் அமெரிக்கா, இந்தியா, பிரேசில் ஆகியவை முதல் மூன்று இடங்ளைப் பிடித்துள்ளன. இம்மூன்று நாடுகளிலும் லட்சக்கணக்கானோர் பாதிக்கப்பட்டுள்ள நிலையில் உயிரிழந்தோரின் எண்ணிக்கையும் மிக அதிகமாகப் பதிவாகி உள்ளது.

இந்தப் பட்டியலில் 3வது அலையை எதிர்கொண்டுள்ள மலேசியா 42வது இடத்தில் உள்ளது. மலேசியாவில் பாதிக்கப்பட்டோர் மொத்த எண்ணிக்கை அரை மில்லியனைக் கடந்துள்ளது.

இதற்கிடையே சிங்கப்பூரில் 60 ஆயிரம் பேருக்கு இதுவரை கிருமி தொற்றியுள்ளது. அங்கு தடுப்பூசி போடும் பணியைத் தீவிரப்படுத்தியுள்ள நிலையில் மேற்குறிப்பிட்ட பட்டியலில் அந்நாடு 105ஆவது இடத்தில் உள்ளது.

இந் நிலையில் சிங்கப்பூரில் மீண்டும் தொற்றுப் பரவலுக்கான அறிகுறிகள் தென்பட்டதை அடுத்து அங்கு நடமாட்டக் கட்டுப்பாடுகள் மேலும் கடுமையாக்கப்பட்டுள்ளன.